Тэма педагагічнага праекта: "Фарміраванне грамадзянска-патрыятычных якасцей асобы навучэнцаў праз вывучэнне гісторыка-культурнай спадчыны роднага краю"
Тэрмін рэалізацыі педагагічнага праекта: 2022 - 2025
Звесткі аб кіраўніку педагагічнага праекта: Кішко Алена Мікалаеўна, намеснік дырэктара па вучэбнай рабоце
Звесткі аб удзельніках рэалізацыі педагагічнага праекта: Курловіч М.В., намеснік дырэктара па выхаваўчай рабоце, Карсюк У.І., кіраўнік па ваенна-патрыятычным выхаванні, Крыцук І.В., загадчык музея, Васілеўская І.М., настаўнік беларускай мовы і літаратуры, Корань Р.Ю., настаўнік біялогіі, Палоннікава М.І., настаўнік рускай мовы і літаратуры, Шчэрбань Б.А., педагог-псіхолаг, класныя кіраўнікі І – XI класаў, вучні І – XI класаў.
Актуальнасць педагагічнага праекта
Грамадству, якое развіваецца, патрэбны адукаваныя, маральныя, прадпрымальныя людзі, якія змогуць самастойна прымаць адказныя рашэнні ў сітуацыі выбару, прагназуючы іх магчымыя наступствы, людзі, здольныя да супрацоўніцтва, якія адрозніваюцца мабільнасцю, дынамізмам і валодаюць развітым пачуццём адказнасці за лёс краіны. Асабліва актуальным на сённяшні дзень з’яўляецца пераход ад традыцыйнай агульнай сярэдняй адукацыі, арыентаванай на атрыманне навучэнцам пэўнай сумы ведаў, да сістэмы адукацыі, у рамках якой рыхтуюць будучага актыўнага ўдзельніка грамадскага жыцця. Установы агульнай сярэдняй адукацыі павінны фарміраваць цэласную сістэму ўніверсальных ведаў, уменняў і навыкаў, а таксама вопыт самастойнай дзейнасці і асабістай адказнасці навучэнцаў, гэта значыць ключавыя кампетэнцыі, якія вызначаюць сучасную якасць адукацыі.
Адным з прыярытэтных напрамкаў дзяржаўнай адукацыйнай палітыкі з’яўляецца грамадзянскае і патрыятычнае выхаванне. Толькі праз уключэнне навучэнцаў у актыўную дзейнасць і свядомы ўдзел у ёй можна дасягнуць поспеху ў дадзеным напрамку.
Праект накіраваны на вырашэнне праблемы грамадзянска-патрыятычнага выхавання навучэнцаў у сучаснай установе адукацыі, стварэнне ўмоў для развіцця і фарміравання асобы грамадзяніна і патрыёта Беларусі.
Рэалізацыя праекта павінна прывесці да якасных змяненняў выхаваўчай работы ў школе, узмацнення цікавасці дзяцей да гісторыі і культуры сваёй Радзімы, фарміравання ў маладога пакалення пачуцця патрыятызму. Дзіцяча-юнацкі турызм па родным краі ў спалучэнні з магчымасцямі сучасных інфармацыйных тэхналогій, у прыватнасці, збор і сістэматызацыя інфармацыі аб сваёй малой радзіме, можа ўзмацніць дзейсны характар адукацыі ў цэлым. Улічваючы вялікі адукацыйны патэнцыял экскурсій, значную колькасць рознапланавых экскурсійных аб’ектаў і турыстычных маршрутаў мясцовага значэння, лічым неабходным актывізаваць выкарыстанне гэтай формы работы з улікам прынцыпу тэрытарыяльнай даступнасці, а таксама неабходнасці ўключэння рэгіянальнага краязнаўчага кампанента ў адукацыйны працэс.
Прымяненне інфармацыйных тэхналогій у працэсе навучання пры распрацоўцы і ўкараненні ў адукацыйны працэс турысцка-краязнаўчых падарожжаў будзе садзейнічаць не толькі фарміраванню ключавых кампетэнцый у вучняў, але таксама і папулярызацыі турысцка-краязнаўчага напрамку як аднаго з фактараў сацыяльна-эканамічнага развіцця рэгіёну.
Мэта: стварэнне ўмоў для фарміравання ключавых кампетэнцый навучэнцаў праз рэалізацыю турысцка-краязнаўчых падарожжаў у адукацыйным працэсе.
Асноўная ідэя: Фарміраванню ключавых кампетэнцый навучэнцаў будзе садзейнічаць удасканаленне краязнаўчай работы з дапамогай стварэння яндэкс-карты, каталога помнікаў, размешчаных на тэрыторыі Заастравецкага сельскага Савета Клецкага раёна.
Дзейнасць па рэалізацыі праекта дасць магчымасць не толькі вучыцца працаваць з інфармацыяй, але і атрымліваць новыя веды аб родным краі, набываць уменні для жыцця, выкарыстоўваючы станоўчы вопыт землякоў і папулярызуючы славутасці свайго рэгіёна.
