Аздараўленчы лагер "Юны патрыёт"

06.06.2023 у гісторыка-этнаграфічным музеі для дзяцей аздараўленчага лагера "Юны патрыёт", цікава і пазнавальна прайшла віктарына "Край, дзе мы жывём". Мерапрыемства праходзіла ў форме спаборніцтва дзвюх каманд, дзе кожны з рабят змог сябе праявіць у ведах аб родным краі. Прайшоўшы кожную станцыю, дзеці паказалі, наколькі яны патрыёты сваёй краіны. У канцы мерапрыемства ўсе ўдзельнікі каманды напісалі пажаданні для сваёй краіны. Затым вучні ўдзельнічалі ў інтэрактыўнай гульні "Мая Беларусь". Падчас гульні дзеці адгадвалі загадкі, успаміналі вершы, прыказкі і прымаўкі, гісторыю развіцця нашай краіны, роднага краю.  Кожны з іх праверыў свае веды, а таксама даведаўся шмат новага пра нашу Радзіму ў наступных галінах: "Cімвалы", "Гісторыя", "Геаграфія", "Сельская гаспадарка", "Прамысловасць", "Культура", "Спорт".