Ваенна-патрыятычнае выхаванне

25.09.2024 навучэнцы ўстановы адукацыі наведалі Курган Вялікай Славы. На пляцоўцы каля Кургана Вялікай Славы прайшла дыялогавая пляцоўка "Генацыд беларускага народа: памяць і боль беларускай зямлі" з удзелам кіраўніка па ваенна-патрыятычным выхаванні Кораня Р.Ю., настаўніка гісторыі Дзішук К.Ю.

Навучэнцы ўстановы адукацыі наведалі мемарыяльны комплекс "Хатынь", рэстаўраваны да 80-годдзя Хатынскай трагедыі. Рабяты з цікавасцю праслухалі  экскурсавода, прайшліся па «вуліцах» спаленай вёскі, з трапятаннем сэрца слухалі звон званоў.

Навучэнцы пачатковых класаў наведалі адну са славутасцяў Беларусі: сярэднявечны Мірскі замак. За час экскурсіі вучні агледзелі замак знадворку, прагуляліся па ўнутраным дворыку, адчуўшы сябе жыхарамі сярэднявечча. А таксама падняліся па вузкіх усходах на адну з абарончых веж. З вялікай цікавасцю паслухалі легенды аб незлічоных скарбах, якія знаходзяцца дзесьці ў патаемных падземных тунэлях.

Навучэнцы ўстановы адукацыі прынялі ўдзел у мітынгу-рэквіеме ў памяць аб спаленых жыхарах вёскі Колкі.

15 сакавіка у нашай краіне святкуецца Дзень Канстытуцыі Рэспублікі Беларусь. Ва ўстанове адукацыі для вучняў І–ХІ класаў прайшлі вусны часопіс "Лістая Канстытуцыю", урок патрыятызму "Закон, па якім мы жывем", круглы стол "Канстытуцыя Рэспублікі Беларусь – сімвал беларускай дзяржаўнасці". Дзеці пераканаліся ў тым, што Канстытуцыя Рэспублікі Беларусь з’яўляецца ядром прававой сістэмы краіны, а таксама замацоўвае духоўныя традыцыі і каштоўнасці дзяржавы.

Актывісты пярвічнай арганізацыі ГА «БРСМ» Заастравецкай сярэдняй школы Клецкага раёна павіншавалі непаўналетняга вязня Марчыка І.І. з Днём абаронцы Айчыны. Дзеці выказалі самыя шчырыя словы падзякі за мірнае неба і падораную магчымасць жыць у свабоднай краіне, пажадалі моцнага здароўя, дабрабыту і доўгіх гадоў жыцця.

Да Года міру і стварэння і гадаўшчыны вываду савецкіх войск з Афганістана, у памяць аб тых, хто з годнасцю выконваў свой інтэрнацыянальны абавязак і застаўся верным воінскай прысязе, у Заастравецкая бібліятэцы прайшоў гістарычны агляд "Полымя вайны Афганістана". На сустрэчу з дзецьмі быў запрошаны кіраўнік па ваенна-патрыятычным выхаванні Карсюк Уладзімір Іосіфавіч, які падрабязна расказаў школьнікам пра страшныя старонкі нашай гісторыі перыяду 1979-1989 гадоў, спыніўся на імёнах герояў, якія з мужнасцю выконвалі свой прафесійны доўг.

Ва ўстанове адукацыі прайшла гадзіна памяці "Юныя героі ў нашай памяці жывуць". Падчас гутаркі піянеры і акцябраты наблізіліся да гісторыі, якую вяршылі іх аднагодкі. У канцы мерапрыемства навучэнцы ўшанавалі памяць адважных герояў хвілінай маўчання і ўсклалі кветкі да мемарыяльнай дошкі юнага партызана-разведчыка Аркадзя Ляўковіча.

Да Дня народнага адзінства з мэтай раскрыцця паняцця "адзінства" праз паняцці "радзіма" і "сяброўства", прывіцця павагі да гісторыка-культурных каштоўнасцей беларускага народа, выхавання пачуцця гонару за гісторыю сваёй краіны і яе знакамітых людзей ва ўстанове адукацыі прайшлі Адзіныя ўрокі. На сустрэчу з падрастаючым пакаленнем былі запрошаны старшыня Заастравецкага сельвыканкама Шашко Т. В. і настаўнік гісторыі Дзішук К. Ю., дзякуючы прысутнасці якіх сустрэча атрымалася больш прадуктыўнай і змястоўнай.

Для навучэнцаў I - XI класаў прайшлі першыя ўрокі "Беларусь і я - дыялог міру і стварэння". Класныя кіраўнікі, ганаровыя госці расказалі навучэнцам аб значнасці захавання і ўмацавання міру як вышэйшай каштоўнасці, заклікалі да стваральнай працы на карысць Радзімы, таксама нагадалі аб гераічнай спадчыне як найважнейшым складальніку гістарычнай памяці, аб генацыдзе беларускага народа ў гады Вялікай Айчыннай вайны.

Да Года міру і стварэння, у памяць аб тых, хто стаў ахвярай генацыду ў гады Вялікай Айчыннай вайны, і тых, хто не скарыўся перад фашысцкай навалай, не здрадзіў сваёй Радзіме для падлеткаў аздараўленчага лагера працы і адпачынку "Юнацтва" быў арганізаваны ўрок памяці "Генацыд беларускага народа". Гістарычныя звесткі пра знішчэнне яўрэйскага насельніцтва на тэрыторыі Клецкага раёна ў гады ВАВ, пра частковае знішчэнне вёсак Колкі, Морач і Узнога, дзейнасць гета ў вёсцы Сіняўка нікога не пакінулі раўнадушнымі. А хіба ёсць, што забываюць?...

Навучэнцы школы наведалі стэндавую экспазіцыю ў памяць аб ахвярах генацыду насельніцтва нашага раёна ў гады Вялікай Айчыннай вайны ў Клецкай сярэдняй школе №1. Супрацоўнік ДУ "Музей гісторыі Клятчыны" расказала навучэнцам гісторыю вёскі Колкі, аб яўрэйскім гета, аб канцлагерах, аб успамінах сведак, аб раскопках у пасляваенны перыяд.

У памяць аб тых, хто загінуў і тых, хто не вярнуўся з вайны, у знак удзячнасці пакаленню пераможцаў 9 мая, у дзень Вялікай Перамогі, па добрай традыцыі, заастравячане далучыліся да рэспубліканскай акцыі "Беларусь памятае". У святочнай калоне дваццаць пяць жыхароў аграгарадка з пачуццём гонару і выкананага абавязку перад тымі, хто змагаўся за наша мірнае жыццё, пранеслі па галоўнай вуліцы партрэты сваіх родных і блізкіх людзей - удзельнікаў ВАВ. Прынялі ўдзел у шэсці прадстаўнікі ўсіх прадпрыемстваў, арганізацый і ўстаноў, якія дзейнічаюць на тэрыторыі сельскага Савета. Калона прайшла да брацкай магілы, дзе адбыўся мітынг-рэквіем "Быць дастойным вялікай Перамогі".

Актывісты пярвічнай арганізацыі БРСМ павіншавалі са святам 9 Мая малалетняга вязня Курачкіну Н.Д. Рабяты выказалі самыя шчырыя словы падзякі за мірнае неба і падораную магчымасць жыць у свабоднай краіне, пажадалі моцнага здароўя, дабрабыту і доўгіх гадоў жыцця.

26.01.2023 навучэнцы школы здзейснілі пяты ШАГ па тэме «Гонар за Беларусь. Навука і інавацыі - сучаснасць і будучыня нашай эканомікі». Навучэнцам, якія дасягнулі 14-гадовага ўзросту, былі ўручаны падарункавыя выданні "Я - грамадзянін Рэспублікі Беларусь". У канцы мерапрыемства дзецям прадэманстравалі фільм, прысвечаны 85-годдзю Мінскай вобласці.

Ва ўстанове адукацыі для вучняў І-ХІ класаў арганізавана выстава фатаграфій "Цягнік памяці". Навучэнцам расказалі аб важнасці гэтага праекта. За 15 дзён яго ўдзельнікі наведалі знакавыя гарады дзвюх краін, пазнаёмілася з цікавымі і важнымі старонкамі гісторыі Вялікай Айчыннай вайны, прынялі ўдзел у мітынгу-рэквіеме, прысвечаным Дню ўсенароднай памяці ахвяр Вялікай Айчыннай вайны і генацыду беларускага народа.

16 верасня 2022 года ва ўстанове адукацыі прайшоў круглы стол "Народнае адзінства: разам". Вучні азнаёміліся з гісторыяй свята, даведаліся, што дата выбрана не выпадкова, бо менавіта з яе пачалося ўз'яднанне Заходняй і Усходняй Беларусі.

10.09.2022 ва ўстанове адукацыі для навучэнцаў  прайшоў велапрабег па месцах баявой славы "Маршрутамі памяці, маршрутамі адзінства". Навучэнцы зрабілі прыпынак ля брацкай магілы, дзе ўсклалі кветкі да помніка і ўшанавалі памяць загінуўшых воінаў хвілінай маўчання. Дзякуючы такому мерапрыемству вучні далучаюцца да здаровага ладу жыцця, выхоўваюць у сабе грамадзянскасць, патрыятызм, павагу да традыцый сваёй малой радзімы.

Для навучэнцаў I-XI класаў установы адукацыі прайшлі першыя ўрокі "Гістарычная памяць - дарога ў будучыню". Класныя кіраўнікі расказалі навучэнцам аб укладзе беларускага народа ў вялікую Перамогу, аб гераічнай спадчыне як найважнейшым складальніку гістарычнай памяці, аб генацыдзе беларускага народа ў гады Вялікай Айчыннай вайны.

8 красавіка 2022 года ва ўстанове адукацыі прайшоў урок мужнасці "Ёсць такая прафесія - Радзіму абараняць!" з удзелам прадстаўнікоў ВПС і войскаў СПА Рэспублікі Беларусь. Ваеннаслужачыя расказалі школьнікам аб ваенных навучальных установах і прафесіях, якія там можна набыць, аб асаблівасцях палявых вучэнняў і многае іншае. Паказалі, як у войску вучаць баявым справам. Хлопчыкі і дзяўчынкі прымералі бронекамізэльку і каску, паспрабавалі надзець агульнавайсковы ахоўны камплект. Прысутныя адчулі, наколькі важная служба ў арміі, і пераканаліся, што салдатам быць ганарова і не страшна. Сустрэча завяршылася святочным канцэртам "Беларусь у маім сэрцы".

Для навучэнцаў IX-XI класаў кіраўніком па ваенна-патрыятычным выхаванні Карсюком У.І. сумесна з ваенным камісарам Клецкага раённага ваеннага камісарыята Вярбіцкім С.У. была арганізавана экскурсія на 61-ю авіяцыйную базу г.Баранавічы. Школьнікі пазнаёміліся з гісторыяй авіяцыі і буднямі вайскоўцаў, якія праходзяць тэрміновую ваенную службу.

Грамадзянска-патрыятычнае выхаванне падрастаючага пакалення заўсёды было і застаецца адным з асноўных накірункаў дзейнасці. 01.02.2022 у рамках Года гістарычнай памяці прайшло выхаваўчае мерапрыемства – квіз "Нашчадкі Перамогі", дзякуючы якому вучні 7 класа ў цікавай і займальнай форме пазнаёміліся з воінскай службай у радах Узброенных сіл Рэспублікі Беларусь. Мерапрыемтсва праводзілася сумесна з Карсюком У.І., кіраўніком па ваенна-патрыятычным выхаванні, які падрабязна расказаў будучым абаронцам Айчыны пра армейскую службу, пра сапраўдныя салдацкія будні, пра ваенную тэхніку, а таксама вучні мелі магчымасць папрактыкавацца і паказаць сваю снароўку пры надзяванні процівагаза, паказалі сваю лоўкасць і спрыт пры пападанні ў дарц, адказвалі на пытанні віктарыны. Юнакі і дзяўчаты даведаліся аб умовах прыёму ў ваенныя навучальныя ўстановы краіны. Вучні слухалі цікавыя гісторыі з біяграфій сваіх землякоў, якія абаранялі нашу зямлю ў гады Вялікай Айчыннай вайны. З самых першых хвілін урока чырвонай стужкай была акрэслена тэматыка гэтага мерапрыемства – патрыятызм, павага і любоў да сваёй краіны, да яе нацыянальных традыцый, гісторыі, таму што без гэтага нельга выгадаваць годных грамадзян.

21.01.2022 для вучняў ІХ класа прайшоў урок мужнасці "Доўг! Гонар! Айчына!" з удзелам кіраўніка па ваенна-патрыятычным выхаванні. Урок мужнасці з'яўляецца найбольш дзейсным сродкам абмеркавання з вучнямі ўяўленняў аб мужнасці, абавязку, фізічнай і маральнай гатоўнасці аказаць дапамогу, гонару, адказнасці. Рабяты актыўна ўдзельнічалі ў групавой рабоце, па абмеркаванні пачутага і ўбачанага. На мерапрыемстве педагогі ўмела выкарыстоўвалі розныя віды дзейнасці – чытанне, гутарку, прагляд фрагментаў з фільмаў пра дзяцей-герояў, маляванне, праслухоўванне музычнага матэрыялу.

22.11.2021 прайшоў раённы конкурс на лепшы школьны музей з мэтай удасканалення дзейнасці ўстаноў адукацыі па грамадзянскім і патрыятычным выхаванні навучэнцаў сродкамі музейнай працы.

06.11.2021 выхаванцы аздараўленчага лагера "Фарбы восені" наведалі гісторыка-этнаграфічны музей "Гісторыя вёскі Морач", які размясціўся ў будынку мясцовай школы. Загадчыца музея Святлана Іосіфаўна Абабурка правяла для хлопчыкаў і дзяўчынак пазнавальную і займальную экскурсію, падчас якой дзеці даведаліся шмат цікавых фактаў пра гісторыю вёскі Морач, пра знакамітых людзей і традыцыі, якімі славіцца гэтая ўнікальная мясцовасць. Вялікую цікавасць у вучняў выклікала экспазіцыя са своеасаблівымі ткацкімі вырабамі – ручнікамі і прадметамі адзення.

Усё далей адыходзяць ад нас ваенныя дні Вялікай Айчыннай вайны. Як выклікаць у душах маладога пакалення пачуццё гонару, патрыятызму за свой народ, сваю краіну? Менавіта гэтай мэце была прысвечана экскурсія ў гісторыка-этнаграфічны музей аг.Заастравечча "Вайны я не ведаю, але памятаю пра яе", якая была арганізавана 03.11.2021 года для членаў аздараўленчага лагера "Фарбы восені". У музеі малодшыя школьнікі ўважліва разглядалі экспанаты часоў Вялікай Айчыннай вайны. Яны з цікавасцю слухалі кіраўніка па ваенна-патрыятычным выхаванні Карсюка У.І., задавалі пытанні, расказвалі пра сваіх прадзедаў, якія абаранялі родны край ад ворагаў. Наведванне музея выклікала ў дзяцей павагу да абаронцаў Радзімы,  гонар за свой народ, сваю армію. А самае галоўнае - выклікала ў рабят жаданне, стаўшы дарослымі, устаць на абарону сваёй роднай краіны.

02.11.2021 для вучняў ІХ класа прайшла гістарычная замалёўка "Адзіным духам мы моцныя" з удзелам кіраўніка па ваенна-патрыятычным выхаванні Карсюка У.І. Уладзімір Іосіфавіч расказаў вучням гістарычныя факты аб Вялікай Айчыннай вайне 1941-1945 гг., аб гераічных подзвігах падлеткаў, іх смеласці, знаходлівасці і гарачай любові да сваёй Радзімы. Дзеці даведаліся шмат новага з біяграфіі піянераў-герояў той далёкай вайны. У завяршэнні класны кіраўнік засяродзіла ўвагу на тое, што маладое пакаленне павінна свята шанаваць традыцыі і подзвіг свайго народа.

17 верасня ва ўстанове адукацыі прайшлі выхаваўчыя мерапрыемствы, прысвечаныя Дню народнага адзінства. Вучні школы з вялікім жаданнем прымалі ўдзел у літаратурна-музычнай кампазіцыі "Родная мова стала блізкай мне змалку", інтэлектуальным турніры "Знаўцы роднага краю", гульнёвым круізе "Мая рэспубліка – Беларусь", конкурсе дзіцячых малюнкаў "Карагод дружбы".  Усе мерапрыемствы сімвалізавалі адзінства народа, пераемнасць пакаленняў, далучанасць кожнага з нас да лёсу Беларусі, жаданне росквіту  нашай краіне. У час мерпрыемстваў вучні чыталі вершы славутых беларускіх песняроў, спявалі песні, разгадвалі рэбусы і крыжаванкі, адказвалі на пытанні віктарыны, удзельнічалі ў конкурсах. У кожнага ўдзельніка засталося прыемнае ўражанне ад праведзеных  мерапрыемстваў.

У першую нядзелю верасня беларусы адзначаюць Дзень беларускага пісьменства. Узнікненне гэтага свята было прымеркавана да 500-годдзя з дня нараджэння Францыска Скарыны з мэтай захавання друкаванага слова, папулярызацыі традыцый нацыянальнай культуры, памнажэння духоўнасці беларускага народа і захавання спадчыны. Заастравецкая бібліятэка не засталася ўбаку ад гэтай важнай падзеі і запрасіла ўсіх жадаючых на квэст-гульню "Беларускае роднае слова". Рабят чакалі дзевяць тэматычных прыпынкаў з заданнямі, выканаўшы якія, каманда атрымлівала пэўную літару. Прайшоўшы без памылак усе прыпынкі, з літар трэба было скласці слова. На свята было запрошана кампетэнтнае журы ( настаўнікі гісторыі і біялогіі Заастравецкай школы Галубовіч Аксана Васільеўна і Корань Раман Юр'евіч), якія пільна сачылі за квэст-гульнёй і ацэньвалі старанную працу дзяцей. З прыветным словам да рабят звярнуўся і "першадрукар Францыск Скарына".

Падчас правядзення першага ўрока "Адзінста беларускага народа – аснова незалежнай краіны" дырэктар школы ўручыў навучэнцам, якія дасягнулі 14-гадовага ўзросту, падарункавыя выданні "Я – грамадзянін Рэспублікі Беларусь".